Políticas culturais e desenvolvemento socioeconómico: algunas anotacións sobre a situación galega

Abstract

Este artigo analiza a crecente proximidade entre os obxectivos e os contidos das políticas culturais e os intereses socioeconómicos, desde distintas dimensións, esencialmente, o impacto económico e laboral dos investimentos públicos no sector cultural e os contidos reguladores das políticas culturais. O traballo examina tamén os efectos na relación entre cultura e economía de fenómenos como a rexionalización das políticas culturais ou a emerxencia das cidades en tanto que actores culturais. O obxectivo é pór en relación o incremento progresivo das axudas económicas ao sector cultural por parte das institucións públicas durante os últimos anos co aumento do impacto social, económico e laboral das mesmas. A evidencia empírica presentada demostra un incremento continuo tanto dos obxectivos definidos polas distintas institucións públicas da cultura como dos recursos públicos destinados ao seu logro. Tamén se verifica nos últimos anos unha evolución da concepción dos fins culturais, que deveñen un elemento máis do desenvolvemento socioeconómico das distintas colectividades.