O ensino-aprendizaxe do imperialismo

Abstract

A investigación estuda as metodoloxías e estratexias de transmisión do coñecemento acerca do imperialismo contemporáneo nas aulas de ensino secundario e as formas de recepción do mesmo por parte do alumnado. Para estudalo, partiuse da definicion de imperialismo de Fieldhouse: “umbrella word comprehending the whole gamut of relations between a dominant and a subservient society” (1981, 1). Empregando a mesma, investigouse o imperialismo ó longo de todo o período e non exclusivamente o relacionado coa colonización europea. Tamén se profundizou nos procesos de descolonización por seren unha parte integral dos imperialistas ó constituila fin do control directo por parte doutras sociedades. Para estructurar mellor a análise foron seleccionados unha serie de procesos ós que se prestou especial atención, destacando entre eles o colonialismo europeo e a Descolonización.