Evohé: Revista Cultural do Campus Terra-Lugo, número 33

Abstract

O número 33 da revista Evohé conta cun monográfico dedicado á poeta galega Luz Pozo Garza con motivo do seu centenario, que se inicia cun Cuestionario Proust realizado a dita escritora. No monográfico colaboran Carmen Blanco, Claudio Rodríguez Fer, Marcela Bao e Cristina Negreira. Seguen seccións creativas con narrativa de Laura Paz Fentanes, poesía de Tamila Alem e de Juan Carlos Galeano (este presentado por Saturnino Valladares), e traducións de Eugenio Granell por Adina Vladu, Agustín García Calvo por Carmen Blanco e Antonio Hernández por Laura Paz. Recensiónanse tamén un estudo sobre Borges e Cunqueiro de Rodríguez Fer (por Cristina Fiaño), as memorias de María Casares en edición de María Lopo (por Marcela Bao) e a colectánea sobre o epistolario de Valente editado pola Cátedra Valente da USC (por Laura Paz). Finalmente inclúense traballos académicos sobre Francisco de Aldana (por José Rama), a institucionalización da memoria histórica (por Loreley Ritta) e a incentivación da danza entre varóns (por Claudia Cedeño)