Instrución 1/2025 da Secretaría Xeral da Universidade de Santiago de Compostela, sobre elaboración, cobertura, tramitación, custodia e modificación de actas dos estudos da Universidade de Santiago de Compostela (USC)

Abstract

Desde o día 7 de marzo de 2007 está en vigor a Instrución 2/2007 da Secretaría Xeral sobre elaboración informática, cobertura, tramitación, custodia e modificación de actas dos estudos da USC. Porén, tendo en conta o tempo transcorrido, o marco xurídico vixente e a actualización nos sistemas de información relacionados, é aconsellable a redacción dunha nova instrución que recolla todos estes aspectos e dea resposta a cuestións que xurdiron como consecuencia do novo escenario no que nos atopamos. Por outra banda, o sistema de actas previsto en 2007 foise adaptando neste tempo ao réxime de administración electrónica, polo que esta nova instrución consolida o sistema electrónico de actas e adáptao ás políticas de sinatura electrónica adoptadas na USC.