Censura Nunca Máis [Material gráfico] : liberdade de expresión

Abstract

Manifesto asinado por sindicatos, organizacións estudantís e ANPAs como resposta á circular da Xunta prohibindo as reivindicacións sobre o Prestige e a guerra de Iraq na primavera de 2003. A dita circular titulábase "Instrucións sobre publicidade e propaganda nos centros educativos e outras cuestións formuladas en relación co seu funcionamento e réxime xurídico" e a súa intención era actuar "ante a proliferación da existencia de publicidade e propaganda nos taboleiros de anuncios" dos centros. O manifesto esixía a retirada da circular e animaba os centros a "continuar expresando a súa opinión" sobre a guerra e o Prestige.